Política de privacidade

Titular

Xosé W. Alonso González

DNI/NIF

77***070G

Colexiación

ICA Vigo, n.º 4254

Correo de contacto

[email protected]

Teléfono

601 555 366

Dominio

www.savig.gal

Nesta política explicamos como tratamos os datos persoais das persoas que visitan este sitio web ou se poñen en contacto connosco, conforme ao Regulamento (UE) 2016/679 (RXPD) e á Lei orgánica 3/2018, de protección de datos persoais e garantía dos dereitos dixitais (LOPDGDD).

Responsable do tratamento

O responsable é o titular do sitio, cuxos datos identificativos e de contacto figuran ao comezo desta páxina. Para calquera cuestión sobre protección de datos pode escribir ao correo electrónico indicado.

Formulario de contacto, correo electrónico e teléfono

Datos: nome, correo electrónico e/ou teléfono e o contido da súa mensaxe.

Finalidade: responder á súa consulta e, se procede, valorar e preparar un posible encargo profesional.

Base xurídica: o seu consentimento (art. 6.1.a RXPD), que presta ao enviar o formulario, e a aplicación de medidas precontractuais por petición súa (art. 6.1.b RXPD).

As mensaxes do formulario non se gardan no sitio web: envíanse directamente por correo electrónico á caixa do despacho.

Conservación: o tempo necesario para atender a consulta e, se non chega a formalizarse un encargo, como máximo 12 meses desde o último contacto. Se se formaliza un encargo, os datos conservaranse durante a relación profesional e despois durante os prazos legais de prescrición das responsabilidades que puideran derivarse.

Pedímoslle que non inclúa na mensaxe máis datos dos imprescindibles e, en particular, que evite datos especialmente sensibles (saúde, antecedentes penais, etc.) ata que falemos persoalmente. Toda a información recibida está suxeita ao segredo profesional.

Estatísticas de visitas (Umami)

Só se o acepta no aviso de privacidade, empregamos Umami, unha ferramenta de analítica web de código aberto que aloxamos nos nosos propios servidores. Non usa cookies nin comparte datos con terceiros.

Datos: páxinas visitadas, páxina de procedencia, data e hora, tipo de navegador, sistema operativo e dispositivo, tamaño de pantalla, idioma e localización aproximada (país e cidade) deducida do enderezo IP, e o uso dos botóns de contacto (chamar, WhatsApp e envío do formulario), sen o contido da mensaxe. O enderezo IP non se almacena: emprégase só no momento da visita e substitúese por un identificador anónimo.

Finalidade: coñecer de forma agregada como se usa o sitio para melloralo.

Base xurídica: o seu consentimento (art. 6.1.a RXPD).

Conservación: como máximo 24 meses.

Gravación de sesións (Umami)

Só se o acepta expresamente, unha mostra aleatoria do 15 % das visitas grávase de forma anonimizada para detectar problemas de usabilidade. A gravación rexistra a estrutura da páxina, os movementos do rato, os clics e o desprazamento, durante un máximo de 5 minutos. Todo o texto da páxina e todo o que escriba nos formularios substitúese por asteriscos, de modo que non se grava o contido que le nin o que escribe.

Base xurídica: o seu consentimento (art. 6.1.a RXPD).

Conservación: como máximo 90 días.

Destinatarios e encargados do tratamento

Non cedemos os seus datos a terceiros, agás obriga legal. O sitio web, as estatísticas e as gravacións funcionan en servidores propios xestionados directamente polo titular. Para prestar o servizo contamos cos seguintes encargados do tratamento, con contrato conforme ao art. 28 RXPD:

OVH SAS (Francia, UE), provedor do servidor privado virtual polo que pasan as conexións ao sitio desde Internet e onde se xestiona o cifrado HTTPS. Os datos non saen da Unión Europea.

Proton AG (Suíza), provedor do servizo de correo electrónico. Suíza conta cunha decisión de adecuación da Comisión Europea, polo que as transferencias están amparadas por ela.

Os seus dereitos

Pode exercer os dereitos de acceso, rectificación, supresión, oposición, limitación do tratamento e portabilidade escribindo ao correo electrónico indicado ao comezo desta páxina, achegando, se é necesario, un documento que acredite a súa identidade.

Pode retirar en calquera momento o consentimento para as estatísticas e a gravación de sesións desde a ligazón "Preferencias de privacidade" ao pé de cada páxina, sen que isto afecte á licitude do tratamento previo.

Se considera que non atendemos correctamente os seus dereitos, pode presentar unha reclamación ante a Axencia Española de Protección de Datos (C/ Jorge Juan, 6, 28001 Madrid; www.aepd.es).

Outras informacións

Este sitio non está dirixido a menores de 14 anos. Non se toman decisións automatizadas nin se elaboran perfís con efectos xurídicos sobre as persoas usuarias. Aplicamos medidas técnicas e organizativas apropiadas para protexer os datos, como o cifrado das comunicacións (HTTPS).